लाडक्या बहिणींसाठी आनंदाची बातमी! मकरसंक्रांतीला 2 महिन्यांचा हप्ता मिळण्याची शक्यता Ladki Bahin Yojana December

मकरसंक्रांतीला लाडक्या बहिणींना मिळणार 3000 रुपये? डिसेंबर व जानेवारी हप्त्याबाबत मोठे अपडेट

Ladki Bahin Yojana December Installment Date : मुख्यमंत्री माझी लाडकी बहीण योजनेअंतर्गत डिसेंबर महिना संपून नवीन वर्षात जानेवारी महिना सुरू झाला असला, तरी अद्याप अनेक लाभार्थी महिलांच्या बँक खात्यात डिसेंबर महिन्याचा 1500 रुपयांचा हप्ता जमा झालेला नाही. मागील आठवड्यात नोव्हेंबर महिन्याचा 1500 रुपयांचा हप्ता मात्र सर्व पात्र महिलांच्या खात्यात जमा करण्यात आला होता.

यामुळे सध्या राज्यभरातील लाडक्या बहिणींमध्ये “डिसेंबर आणि जानेवारी महिन्याचा हप्ता नेमका कधी मिळणार?” असा प्रश्न उपस्थित होत आहे. दरम्यान, या दोन्ही महिन्यांच्या हप्त्यांबाबत एक मोठे आणि दिलासादायक अपडेट समोर आले आहे.

मकरसंक्रांतीच्या निमित्ताने एकत्र हप्ता मिळण्याची शक्यता | Ladki Bahin Yojana December पैसे कधी जमा होणार

डिसेंबर महिन्याचा हप्ता आतापर्यंत जमा न झाल्यामुळे अनेक महिलांमध्ये संभ्रमाची स्थिती निर्माण झाली होती. सूत्रांकडून मिळालेल्या माहितीनुसार, राज्यातील विविध स्तरावरील निवडणुका, तसेच काही ठिकाणी सुरू असलेली ई-केवायसी (e-KYC) प्रक्रिया यामुळे हप्ता वितरणास विलंब झाल्याचे सांगण्यात येत आहे.

याच पार्श्वभूमीवर, डिसेंबर आणि जानेवारी या दोन्ही महिन्यांचा एकत्रित 3000 रुपयांचा हप्ता येत्या 14 जानेवारी, मकरसंक्रांतीच्या सणानिमित्त सर्व पात्र लाडक्या बहिणींच्या बँक खात्यात जमा होण्याची शक्यता व्यक्त केली जात आहे.

दरमहा 1500 रुपये, पण यावेळी उशीर का? Ladki Bahin Yojana December Installment Date

मुख्यमंत्री माझी लाडकी बहीण योजना अंतर्गत पात्र महिलांना दरमहा 1500 रुपये आर्थिक सहाय्य दिले जाते. सामान्यतः प्रत्येक महिन्याच्या शेवटच्या आठवड्यात हा हप्ता थेट लाभार्थी महिलांच्या बँक खात्यात जमा करण्यात येतो.

मात्र, यंदा राज्यातील 29 महानगरपालिकांमध्ये 15 जानेवारी रोजी होणाऱ्या निवडणुकांमुळे आणि प्रशासकीय प्रक्रियांमुळे हप्ता वितरणात उशीर झाल्याचे बोलले जात आहे.

सोशल मीडियावर दावे, अधिकृत घोषणेकडे लक्ष

महायुतीतील घटक पक्षांतील काही उमेदवारांकडून त्यांच्या सोशल मीडिया अकाउंटवरून 14 जानेवारीपूर्वी लाडक्या बहिणींच्या खात्यात 3000 रुपये जमा होतील, असा दावा केला जात आहे. मात्र, याबाबतची अधिकृत घोषणा शासनाकडून होणे अद्याप बाकी आहे.

👉 त्यामुळे लाभार्थी महिलांनी अफवांवर विश्वास न ठेवता अधिकृत माहितीकडे लक्ष ठेवणे आवश्यक आहे.